شات مدونات ولاد العم

كلمات \اغانى \شعر \قصائد \خواطر \اشعار \اجمل \همسات \جمل \رومانسية \معانى \حب \


http://img369.imageshack.us/img369/3042/clipboard026df.jpg
حبيبتي ماتت

ماتت

ماتت حبيبتى ونور عنيا

ماتت اغلى شيىء فى الدنيا

راحت لا خلاص مش راجعة تانى

راحت لا مش هشفها تانى

ماتت الى كانت حب عمرى نبض قلبى روحى

حلمى وكل املى الى كانت

حتة منى ابويا وامى ناسى ودنيتى واهلى وحبايبى

خلاص معتش ليا مكان

خلاص يحرم عليا كمان اعيش بكرة

ادام بكرة هيجى وهكون لوحديا

خلاص هعيش لمين تانى خلاص

خلاص اشتقت يا زمانى لمين هبيع من النهاردة الف رحمة ونور عليا

ماتت



كانت لسة جامبى فى حضن قلبى بنطق اسمى تشوفنى تبكى

زى ما يكون قلبها حاسس بحاجة اخر مرة اتقابلنا

قالت لى كلمة اوعى تنسى انسى اية

هوة فى بعدك سعادة ولسة ما كملناش كلمنا بضم

ايدها لقتها كاتبة حرف وكلمتين فى قلب بتقولى

فيهم افتكرنى ولو وحشتك باقى زرنى

على عينى بعادك عنى يا رب حكمتك يا رب

خلاص معتش ليا مكان خلاص يحرم عليا كمان اعيش بكرة

هيجى وهكون لوحديا خلاص اشتقت يا زمانى لمين هضيع من

النهاردة الف رحمة ونور عليا

ماتت

Bookmark and Share

كلمات \اغانى \شعر \قصائد \خواطر \اشعار \اجمل \همسات \جمل \رومانسية \معانى \حب \

في غرفة القيادة العامة ..






التهامي: يا وديييييييييييييع

وديع : تهامي باشا

التهامي: شوفلي ديكو فين دلوقتي عايزين ننجز المهمة بأسرع وقت

وديع: اوامرك يا برنس الليالي



وعلي الجانب الاخر ..


درويش: متقلقش يا ديكو اكيد مصطفي هيجيبلك ابنك وتبقي حر منهم

ديكو: المهم ميعرفوش حاجة ويفهموا انه اتخطف بس مش احنا اللي خطفناه

درويش: مصطفي عارف شغله كويس ده كان في الجيش المصري

ديكو: ماهو ده اللي مخوفني

درويش: شوفت فيلم الطريق الي ايلات؟

ديكو: بتاع مادلين طبر؟

درويش: هو بقي بتاع مادلين طبر؟

ديكو: انا اسف ..مايوه مادلين طبر؟

درويش: مايوه؟كل اللي همك في الفيلم المايوه؟

ديكو: يا باشا المايوه ده كان في سن مراهقتي وهو سبب وعي سياسي لجيل كامل

درويش: ما شاء الله علي كده نادية الجندي رائدة الفكر السياسي بأفلامها دي

ديكو: طبعا يا باشا الراجل مننا يدنه فاكر الست ل......

درويش: راجل ايه انت هترسم؟ يا ابني انت ديك



وفي المقر السري عند رؤؤف ..


منقار: انا قلقان اوي يا سيد رؤؤف

رؤؤف: متقلقش ربنا معاه

ويدخل مصطفي شعبان الشقة قائلا ..

مصطفي شعبان: سلاموا عليكم ..مخابرات

رؤؤف: ايوه احنا مخابرات

منقار: الله يخربيتك يا رؤؤف الكلب..هو اي حد يسألك مخابرات؟ تقوله ايوه انا مخابرات ..هو احنا بتوع لبن ؟روح يا اخي الهي اعدمك

مصطفي: استني ياعم انت وهو .. انا اللي مخابرات

رؤؤف: ايه اللي انت مخابرات احنا هنهزر انت عايز ايه بالظبط؟ وبعدين هو في اي واحد مخابرات يقدم نفسه يقول انا مخابرات مافيش سرية؟

مصطفي: ههههههه بعض ما عندكم يا سيدي

ويفاجأ مصطفي رؤؤف بلكمة هشمت انف الأول وسحقت ودان التاني ودغدغت قفص صدر الجيران اساسا "مع ان مافيش غير رؤؤف في الشقة بس بقرا رجل المستحيل "

مصطفي شعبان "صائحا" :متبللللللللللللللللللللللللللة وووووووووووووه

منقار: انت مين وعملت كده ليه؟

مصطفي شعبان : ده في مصلحتك صدقني بابا عايزك يا حبيبي

منقار: بابا عايزني؟ انت شايفني في الحضانة؟

مصطفي شعبان: احم..قصدي المخابرات عايزياك يا منقار ابوك بقي معانا دلوقتي وهنلعب ع التهامي

منقار: والله ابويا ده جنني

مصطفي شعبان: ليه؟ ليل ونهار عرفة الجامع؟

منقار: ده انت ابن كلب خنيق بجد زي ما سمعت عنك

مصطفي شعبان: انا اتعلمت دي في الجيش المصري مصنع الرجال

منقار: يا اخي قرفتنا بام الجيش اللي انت دخلته مصنع ال.... ولا بلاش

مصطفي شعبان: ايه ؟ كنت هتقول ايه؟

منقار: لابلاش بقي ده راي شخصي

مصطفي شعبان: طيب قولهالي زي بدون كلام

منقار: ماشي..كلمة من تلات حروف علي وزن عسل توصف راجل معين

مصطفي شعبان: امممممم..بطل؟

منقار: ممممممم..نمشيها زي بعضه بطل بطل..شباب بطلات صحيح

مصطفي شعبان: طيب يلا بينا


وفي اثناء الخروج يقوم رؤؤف فجأة ويمسك قدم مصطفي شعبان

مصطفي شعبان : ايه جو افلام الرعب ده ؟ متخفي بقي.."ويركله ركلة هشمت انف الاول وسحقت الصابع الصغير للتاني وشحورت التالت في احساسه"

منقار: يلا بينا بسرعة



وفي مقر التهامي باشا..


التهامي: يا وديييييييييييع

وديع: اوامرك يا باشا

التهامي: افتح التليفزيون بسرعة بيقولوا في قمة عربية شغالة لايف دلوقتي

وديع: قمة عربية لايف ؟ مش لايقة يا باشا

التهامي: اخلص يا ودييع انا عايز اشوف القذافي بيقولوا فقرة الاستاند اب كوميدي بتاعته جاية دلوقتي

وفي اثناء القمة ..وكل دقيقة

التهامي : هههههههههههههههههه مسخرة هههههههههههههههههه

وديع: احم مكالمة لسعادتك يا باشا

التهامي: مين؟

وديع: مزة يا باشا مكالمة ساقعة يعني

التهامي : طيب اخفي انت

وديع: بقولك ايه يا باشا كنت عايزك اكلمك في فيلم كده.نعمل عمر وسلمي تلاتة

التهامي: ده انت عايز تغرقني معاك..انسي يا وديع..خد ده " كلم ماما" واهو في نفس مستوي عمر وسلمي 2



وفي مقر المخابرات التانية "مش عارف ازاي" :


ديكو: القمة العربية هتبدأ يا درويش

درويش:هات الريموت


وعلي شاشة التليفزيون:

المذيعة: اهلا بيكم في قمتنا..قمة المرح والفرفشة ..قمة القرارات الورقية الطائرة..قمتنا مش عادية مع برنس الوطن العربي "القذااااااااافي "

يصيح الجمهور : وووووووووووووووووووووووووه

المذيعة: وابو تريكة السياسة ودهاليزها "حسني وادلع نفسي "

الجمهور: ووووووووووووووووه

المذيعة: والسادة الحضور الباقيين كومبارس القاعدة دي

الجمهور:يييييييييييييييييي

المذيعة: مع كلمة القذافي

القذافي:

" عن اي وطن عربي تتحدثون انتم؟ احنا اللي بنعبي الأونطة في الشنطة ..والسنجلاب دايما قلاب واللي تخاف منه تقوله يا عمي
وطن ايه؟ ويش جابك بالحكم انت ؟ ويش؟
في فرنسا كانوا يعملوا الشراب النايلون بدل الكاستور ..لكن احنا وطن لقيط أليط
وفي سويسرا كانوا بيعملوا الملوخية من غير شهقة ..لأن دي ضلالات ..شهقة ايه اللي هتفرق في ملوخيتكم؟
واهم حاجة اللبن الطبيعي لأن الصناعي ده مضر جدا
واظن ان العلماء الليبيين علي مستوي عالمي
لأن اخر عالم ليبي حصل علي جايزة البليلة بالقشطة كان عن اثباته ان التوتو ني
والعالم الأخر الذي اثبت العلاقة الطردية بأن اما الدنيا تكون برد عم خليل بيسقي الورد يا جماعة
في ظاهرة جديدة حصلت في مصر وهي الاكل التخين يعني ناس تاكل فشنكاح وناس تاكل قنبلة وناس تاكل ديناميت وطن ايه يا عرب؟ الديناميت هيدمرنا
وبعدين طيب حتي خافوا من التفتيش يا اخي ده البرادعي مبيرحمش في بطونكم قنبلة وديناميت وفاشنكاااااااااااااااااااااااااح"


الجمهور والقادة العرب يقفوا فجأة وتصفيق حار: برااااااااااااااااافوهوووووووووووووووووه براااااااااااااااااااااافو "تصفيق حاااااااااااااااار"



ديكو: شكلهم سخنين السنة دي باين كده هيعملوا حاجة جامدة ..كلمة مؤثرة جدا بتاعة الفاشنكاح دي

درويش: طيب اقفل التليفزيون بقي كفاية هعيط



وفي مقر التهامي ..


وديع: باشا مالك يا باشا؟

التهامي"مغمي عليه"

وديع: يا نهار ازرق كلم الدكتور بسرعة يا حسين اتحرك..

التهامي"يفيق" :ايه في ايه

وديع: الف سلامة يا باشا..ده انا اتخطف ..الحياة مش فيري خالص يا باشا

التهامي:ايه يا وديع شايفني مت .. وايه مش فيري دي ؟شكلك بتشوف الاعلانات كتير ..دي كلمة القذافي كالعادة ..اغمي عليا من الضحك

وديع: الف سلامة يا باشا ديكو.. موبايله مقفول يا باشا

التهامي: طيب كمان شوية نكلمه



وفي الطريق لديكو...


مصطفي شعبان: عارف كانوا بيشغلوا لنا ايه في الصاعقة عشان نتحمس ونحس اننا قاسيين

منقار: ايه يا سي مصطفي

مصطفي شعبان: اغنية كلها حماس وكفاح بتقول "انت قلبك قاسي قوي قوي ..انت مش بتحس كده وكده "

منقار: ماشاء الله ده عاملين احلي شغل معاكوا والله وكنتوا بتتمرنوا علي ايه بقي؟

مصطفي شعبان: كنا بنلعب كرة سرعة واسكواش

منقار: كرة سرعة اه..لأ فعلا مصنع الرجال ما شاء الله ..انت متعرفش ان كرة السرعة دي لعبة البنات؟

مصطفي شعبان: لأ ما احنا ساعات بنعمل مربي في فقرة التدبير المنزلي

منقار: تدبير منزلي؟؟؟؟؟؟؟؟؟!!!!!!! أ تييييييييييييييييييييييييييييييييييييييييييييييييييييييييييت

مصطفي شعبان:ايه مالك؟

منقار: مالي ايه يا عم ..ده جيش ام حسين ده مش جيش عادي

مصطفي شعبان: انت مدخلتش الجيش؟

منقار: لأ الحمد لله لسه راجل

مصطفي شعبان: راجل ايه يا عم ..انت وابوك فراخ يا عم هنقعد نقنعك لأمتي قرفتونا

منقار: ماشي يا عم الراجل ..مبننعملش اعلانات زيكم

مصطفي شعبان: انتوا ؟ ده انتوا واكلينها والعة انت عارف اعلانات المرقة دي بتاخدوا فيها كام ؟ ملايين

منقار: ايه يا عم ما انت بتاع بطاطس برده وبتقبض

مصطفي شعبان: يا عم ده الفراخ اللي بتطلع علي القناة اللي فتحت في رمضان دي بتاخد مبالغ مهولة

منقار: ناس تقولي ان" الجواز العرفي" ده اصله ديك ..

مصطفي شعبان: ده انت زي ما قالولي عنك بقي يا خفيف

منقار: يا عم انجز وحياة ابوك القعدة معاك خلتني اجيب جاز

وركبوا السيارة وانطلقوا الي مقر المخابرات الأخري عند ديكو



والبقية في الجزء الثانى عشر
Bookmark and Share

كلمات \اغانى \شعر \قصائد \خواطر \اشعار \اجمل \همسات \جمل \رومانسية \معانى \حب \

في اثناء سير السيارة التي تم خطف ديكو بها ..

https://blogger.googleusercontent.com/img/b/R29vZ2xl/AVvXsEhc6a_MYT5eA_rPN6wkEHKIharGTUm0eHG_tB4x4c4f_jqfC8vZUrcUVaLuh-Lde0nERpsCv7Y2-fYAKXzdwSoD6O78X9ESORNLVyp-Zfcw-x5DubkeSt9OA9jkC_rh9lPSHZqF-2fZ3W5Z/s320/%D8%AF%D9%8A%D9%83+%D8%A7%D9%84%D8%A8%D8%B1%D8%A7%D8%A8%D8%B1.jpg

ديكو: يا جماعة انتوا تبع مين بالظبط؟ وعايزين مني ايه ؟

سنقر "عضو الجماعة" : جماعة ايه ؟

العتال "عضو اخر في الجماعة " : جماعة ايه ؟ انت معانا يا ابني؟ احنا اللي خاطفينه وهو بيسألك

سنقر : ااااه لأ ده موضوع شخصي

ديكو: شخصي ايه هو انا جاي اخطب ؟ ده انتوا خاطفيني

العتال: انت عايز تتجسس علينا ؟ وتعرف كل اخبارنا في مهمة خاصة مش كده؟

ديكو: يا نهار اسود ؟مين قالكم انتوا كمان

العتال: التهامي باشا

ديكو: الله يخربيتك يا تهامي الكلب يا سكران يا عرة الرجالة

سنقر: مين تهامي باشا ده؟

العتال: اخرس يا حيوان بدل ما احط عرفك في بقك

ديكو: وصلنا؟

العتال: اه وصلنا اتفضل انزل



وفي اثناء السير في ممر طويل يجد ديكو تلات فراخ بيلعبوا بالكوتشينة


ديكو: ده زي الافلام العربي بجد دايما المختطفين عندهم رجالة بيلعبوا كوتشينة ..انتوا بتلعبوا بوكر؟

الرجالة "في صيحة رجل واحد " : وبنشرب جوون ووكر

ديكو: عاش يا رجالة ..شكلي هتبسط هنا والله ..لو سمحت فين خدمة عملاء المخطوفين ؟

العتال: انجر قدامي يا حيوان

درويش "مؤسس الحركة" : ايه يا ديكو عايز تبص علينا ؟وتتجسس؟


وفجأة يترنح ديكو مكانه ويتقمص دور عادل امام في عمارة يعقوبيان


ديكو: ابص عليكوا ليه ..ابص ع العمارات اللي باظت..اللي بقت من تحت مسخ ..احنا في زمن المسخ..كانت الموضة بتنزل في اقفاصنا قبل اقفاص باريس ..احنا في..

درويش: لا وحياة امك بلاش المشاهد دي عليا انا شفت الفيلم ومتخلنيش اعمل معاك زي صاحب المحل وهند صبري ..

ديكو: احم ..لا خلاص هاحترم نفسي..

درويش: احنا هنعملك اختبار لمعلوماتك السياسية عشان نحاول نجندك معانا ونقلبك ع التهامي اللي مجندك

ديكو: مجندني ايه بقي ده فضحني

درويش: وهندفعلك قده مرتين

ديكو: ابيع نفسي يا باشا

درويش: هاتوا اللي هيسألوه بسرعة



ويدخل تلات رجال سياسة علي ديكو وفي ايديهم دفاتر كبيرة ولابسين بدل فخمة وباين عليهم العز


ديكو: مش هتهزوا اللمبة وكده بقي ونظام؟

اللجنة : لا يا ابني احنا مش هنعذبك احنا هنسألك بس

ديكو: انا تحت عرفك يا باشا

اللجنة: مين هو يا ابني حمدين الصباحي؟

ديكو: اخو بوحة الصباحي يا باشا

اللجنة: ليه سموا قمة دول الثماني بهذا الاسم؟

ديكو: يا باشا واضحة عشان مينفعش اقول السباعي ولا السداسي يعني

اللجنة : انت مع المقاطعة ؟

ديكو: لا يا باشا مبحبش المقاطعة لازم اقول ان شاء الله

اللجنة: طيبب ايه رايك في التمديد؟

ديكو: طبعا اجمل حاجة التمديد خصوصا مع بيبسي ومزة يا سلام

اللجنة: طيب ايه هي التبعية ؟

ديكو: والله يا باشا اسألوا عنها اي ميكروباص التباع طبعا لازم يبقي ليه تبعية للسواق

اللجنة: مجلس الشيوخ فين يا ابني؟

ديكو: شيوخ؟ اكيد في الازهر الشريف يا باشا

اللجنة: روسيا البيضاء ليه اتسمت كده؟

ديكو: حريم ملبن يا باشا

اللجنة: عظيم يا ابني عظيم واضح انك مثقف جدا

ديكو: الله يكرم اصلك يا باشا

اللجنة : هنسألك سؤالين في الحياة العامة كده ..ايه الفرق بين عمرو دياب وتامر حسني

ديكو: النمر والأنثي يا باشا

اللجنة: بتحب صوت هيفاء ؟

ديكو: الصوت بيخرج من البق ..وانا بحب اي حاجة تحت بقها يا باشا

اللجنة: من قائل هذه الجملة : انا عارف ان الملايكة مبتتشافش..وانا حبي اتاخد قفش

ديكو: قفش؟ اكيد مخبر يا باشا

اللجنة: ثواني يا ابني وهتعرف النتيجة

درويش: خلصت الاختبار يا ديكو؟

ديكو: الحمد لله ..كانت اسئلة صعبة بس جاوبتها كلها

اللجنة: انت مثقف جدا يا ابني بالنسبة لكونك فرخة واحنا هنضمك معانا وهنخليك عميل مزدوج

ديكو: زي نمس دوج

اللجنة: دوج؟ اسمه بوند يا ديكو

ديكو: يعني هالعب ع الحبلين واضحك ع التهامي

اللجنة: ايوه يا ديكو وهتتجسس علي التهامي

ديكو: يا عم اتجسس ايه انت هترسم ؟ ده هو بيبيع الاخبار لوحده اساسا

درويش: المهمة صعبة يا ديكو

ديكو: كله علي الله يا باشا

درويش: ربنا معاك يا ديكو

ديكو: بقولك ايه انا هأخلص من رؤؤف زفت تطلعلي انت الله يخربيت الجاسوسية يا اخي

درويش: احنا هنعملك بطاقة جديدة

ديكو: المهنة جاسوس؟

درويش: احتمال ونحط صورتك وانت بتصور ملفات بكاميرا صغيرة

ديكو: ياريت والله يا باشا

درويش: اخرس يا غبي انت عايز تفضحنا

ديكو: طيب وابني يا باشا اللي واقع معاهم دول ممكن يبهدلوه

درويش: متخافش احنا هنبعت اللي يخلص ابنك من ايديهم ..

ديكو: مين يا باشا؟



ويدخل مصطفي شعبان مرة اخري من الخلف ومعاه سلاح القنص


مصطفي شعبان : متبلة؟

ديكو: الله يخربيتك يا اخي هو انت معاهم وكنت بتمثل عليا

مصطفي شعبان : ايوه كانت حركتين كده بس ايه رايك في نطة العربية دي زي بتاعة فيلم مافيا بالظبط

ديكو: طول عمرك جامد يا مصطفي ..لا يونكن الاقي زيك

مصطفي شعبان : ههههههه





يا تري ايه اللي هيحصل مع التهامي وكيف يستطيع مصطفي شعبان مساعدة ديكو في الحصول علي منقار ابنه

الجزء الحادى عشر
Bookmark and Share

كلمات \اغانى \شعر \قصائد \خواطر \اشعار \اجمل \همسات \جمل \رومانسية \معانى \حب \

في اثناء الإستعداد للعملية واثناء سير التدريبات علي قدم وفخد ..



منقار: متزعلش يا بابا من التهامي باشا مسيرك تعمل فيلمك وتكسر الدنيا ..

ديكو: انا اللي مزعلني انهم عملوا فيلم لسعد بدل فيلمي انا ودي حاجة مضايقاني جدا..

منقار: الا صحيح يا بابا هو ازاي ابراهيم الابيض الجزء التاني هم مش ماتوا في الأخر..

ديكو: يا ابني هيصحوا تاني حسب رؤية المخرج هيطلعوا مماتوش اصلا ويقتلوا الراجل التاني وعيلته وياخدوا الزعامة حسب رؤية المخرج ونعمل كام مشهد كده من اياهم في اطار السياق الدرامي
وكام بوسة في اطار الدراما برضه..

منقار "محدثا نفسه" : ده هيبقي فيلم هلس حسب رؤية المخرج ..

ديكو: بتقول حاجة يا منقار ؟

منقار: لا لا يا بابا ده انا بعطس

ديكو: طيب اعطس في ريشك يا ابني مش ناقصة امراض

منقار: امراض؟

ديكو: اه يا خويا مسمعتش عن انفلونزا الطيور والخنازير ؟

منقار: يا بابا انت بتشتغل نفسك ده احنا فراخ اساسا هنمرض نبقي ايه يعني

ديكو: علي رايك ..فرخة فرخة بس اعيش

منقار: سمعت ان فرح فارد ريشه النهاردة مش كده؟

ديكو: اه يا ابني انا لازم اروح اهنيه قبل الاجتماع

ودخل رؤؤف فجأة وهو يتصبب عرقا

رؤؤف: اجهزوا بسرعة

ديكو: ايه اللي حصل ؟ مالك؟انت كنت بتجري جامد ولا ايه؟

رؤؤف: اه حركتين كده لزوم الجاسوسية وهو مافيش حاجة اصلا

منقار: الراجل ده غريب قوي يا بابا هو عبيط ولا ايه ؟

ديكو: باين كده يا ابني ..

رؤؤف: اتمرنتوا كويس؟

ديكو: اه بس انا كان ليا طلب عايز اروح فرح كده اهني زميلي قبل الاجتماع

رؤؤف: مافيش مانع ..خد بالك من نفسك يا ديكو كلنا محتاجينك

ديكو: لاحول الله ده مجنون رسمي




وخرج ديكو من غرفة التدريبات لصديقه "فارد ريشه " اثناء الفرح الشعبي الكبير


فارد ريشه : ديكو صديق عمري وعشرة اقفاص البلد كلها

ديكو: حبيب وركي انت والله اخر حاجة

فارد ريشه : واحشني يا بايخ بقالي سنين مشوفتكش

ديكو: انا اقدر استغني عنك ده انت حد جميل بجد

مسطول من الفرح : ايه الحوار البناتي ابن الكلب ده ..وسع ياض انت وهو بدل ما اجيب وركك منك ليه

فارد ريشه: ده انا العريس يا عم اوسع فين

مسطول من الفرح: م الاخر العروسة دي تخصني

وفجأة ينطلق طلقة وتستقر في صدر هذا المسطول كي لا يتم تعكير الليلة علي ديكو وينظر ديكو لمطلق الرصاصة

ديكو:مصطفي شعبان؟؟؟؟؟؟؟

مصطفي شعبان: اصل انا اتعلمت القنص ده في الجيش المصري "من فيلم جوبا "


وفي جوار الفرح يجلس نبيل الحلفاوي ويمسك شئ غريب في يده وبيبرق بعينيه والناس واقفة موطية وسادة ودانها


ديكو: ايه الجو ده ده انتوا لخبطوني يا عم هو انا في اي مهمة بالظبط يا عم مصطفي ؟

مصطفي شعبان : سيبك انت ..جبنة؟

ديكو: متبلة يا عم ..يحرقك بجاز

فارد ريشه : الحمد لله الليلة عدت علي خير ومحصلش قلق من المسطول ده

ديكو: ربنا يتمملك بخير يا عم مش عايز اي مساعدة ؟

فارد ريشه: عيب يا ديكو دي مراتي انا

ديكو: يا عم انا قصدي مش عايز بيضتين بريشت كده ولا ورك فرخة ترم بدنك

فارد ريشه: مش عارفليه دايما تنسي يا ديكو اننا فراخ يعني العملية كلها مش هتاخد تلات ثواني ومراتي تبيض بيضة كل اسبوع

ديكو: علي رأيك فراخ فراخ بس نعيش ..

فارد ريشه: المهمة صعبة يا ديكو شد حيلك

ديكو: انت عرفت؟

فارد ريشه: طبعا كله عرف اصلا ده التهامي مسيحلك

ديكو: يا نهار ازرق ويقولي المهمة سرية الله يخرب بيتك يا تهامي



وتنتقل الكاميرا زووووم جامد قوي لبيت التهامي


التهامي وهو سكران ومحاط بميت مزة تقريبا : ميكرو فيلم ههههههههههه حبر سري ههههههههه طيب مينفعش نعمل القلم نفسه سري وخلاص ولا ايه النظام الله يقطعكم

بنت سكرانة ملة : يا تهامي انت متقل في الشرب هئ ..

التهامي متأرجحا : انا اشرب ميت ازازة ولا اتهز انا رئيس المخابرات يعني حتي الخمرة دي وطنية بحتة ولا تسكر ولا تأذي هئ

بنت سكرانة طينة : يا تهامي

تهامي: انتي هتبقي نجمة الموسم وكل موسم




ويعود الزووووووووووووم جامد جدا للفرح من تاني "زوووم اجمد من اللي قبليه يضرب في راس ديكو "


ديكو: ضيعتني يا تهامي وفتشت سري للبلد كلها ..كلمة سر ايه بقي وبتاع ايه بس

فارد ريشه: انا عايز اشوف ماتش ريال مدريد

ديكو: ايه يا عم انت بتقول ايه انت كمان مش ناقصاك هو مش انت عريس برضه

فارد ريشه: يا عم احنا فراخ يعني مدةبقائي مع زوجتي لا تتعدي ربع شوط اول من ماتش اصلا

ديكو: طيب يا اخويا مبروك انا ماشي بقي


ويدخل فارد ريشه القفص الزوجي وفي اثناء مغادرة ديكو يسمع علي القهوة المذيع يصرخ :بالمللي متر يا حبيبي بالمللي متر اللللللللللللللللللللللللللللله عليك

يصفق ديكو ويقول : الله عليك يا فارد ريشه يا امير الظلام يا جااااااااامد بالمللي متريا معلم يا مخلي القفص بتكلم


وتعمل الكاميرا زوووم ابن ايه لحد متروح بيت اللي فيه منقار ورؤؤف


رؤؤف: يا تري ديكو وصل جنوة ولا لأ ؟

منقار: معلش يا سيد رؤؤف انت حافظ بجد مش فاهم لأنه رايح يهني واحد صاحبه والمهمة مش في جنوة اصلا دي في كفر شكر

رؤؤف: معلش المهمة اللي فاتت مأثرة عليا ..مدام سامية فهمي بهدلتنا في أم المسلسل وطول المسلسل اصلا مبرقة عنيها مش عارف ابصلها

منقار: الله يكون في عونك يا عم

رؤؤف: ربنا يتمم العملية علي خير

منقار : يارب بابا ييجي بالسلامة



وفي اثناء سير ديكو في الطريق ينقض فجاة مصطفي شعبان ويطير بجسمه في الهواء لينقذ ديكو من محاولة اغتيال محققة ويتعرض ديكو للإختطاف من خلال جمعية "تطبيع مع البشر "

واخر جملة لديكو : فالح يا عم مصطفي ..متبلة اوي يا اخويا ..يا اخي اتلهي جتك نيلة



الي اللقاء في الجزء العاشر
Bookmark and Share

كلمات \اغانى \شعر \قصائد \خواطر \اشعار \اجمل \همسات \جمل \رومانسية \معانى \حب \

العملية




بعد ان ذهب منقار وديكو للغرفة السرية مع سيد رؤؤف واثناء فتح الباب ..



رؤؤف: استنوا هنا احنا داخلين ع الراجل الكبير لازم أستأذن..

ديكو: يا عم راجل كبير ازاي هي دي مخابرات ولا هنتاجر في المخدرات؟

رؤؤف : هشششش لحسن يسمعك خليك هنا..

ودخل رؤؤف المكتب ليقابل الرجل الكبير الذي كان يحدثه من قفاه ودخان السيجار يخرج وينتشر كانتشار النار في الحشيش..

رؤؤف: يلا تعالوا الراجل هيقابلكوا..

ديكو في ذهول :تهامي باشاااا؟؟؟؟ يعني شركة الانتاج دي كانت غطاء ليك ؟ وانت اصلا مخابرات

تهامي: اخيرا فهمتني يا ديكو ..ايوه يا سيدي..

ديكو: ده انا شايل منك من ساعة ما رفضت فيلمي ابراهيم الابيض الجزء الثاني..

تهامي : الجزء التاني اه ..بعد ما اسمر شوية اكيد هههههههههههه

ديكو : وانت رفضت فيلمي ليه وخدت فيلم وديع ؟

تهامي : انا رفضت فيلم وديع كمان وادتله فيلم من درج مكتبي..

رؤؤف مقاطعا : يا سيد ديكو ..في السنة اللي انتجتوا فيها ابراهيم الابيض انتجنا فيلم لسعد الصغير ..افلامنا احنا أم أفلامك..

ديكو: يا اخي امك انت واللهي ده انت خنقتني..

تهامي : ادخل يا ودييييييييع..

وديع : استااااااااااذ..

تهامي: هتاخد ديكو ومنقار..

وديع : استاااااااااااااااااذ

تهامي: توديهم لمكاننا السري..

وديع : استاااااااااااااااااذ..

تهامي : وتأمنلهم ال..

وديع : أستااااااااااااذ

تهامي : اخرس بقي يا وديع ..واللهي لو قلت استاذ تاني هأرفدك من هنا..تعالي انت يا رؤؤف

رؤؤف : استاااااااااااذ

تهامي: دي عدوي بقي بروح امكم والله وحياة امي لو سمعت الكلمة دي تاني لمغير الجروب كله ماشي ؟

رؤؤف : اسف يا سيد تهامي

تهامي: وسيد دي كمان العن من استااذ قولي يا برنس الليالي

ديكو: مخابرات وبرنس الليالي؟؟ يجوز برضه..

رؤؤف: اوامرك يا برنس الليالي..

تهامي: طبعا احنا هنهتم الاول بلياقتهم البدنية لأننا داخلين علي مهمة صعبة عايزين تمارين جامدة جدا يشيب لها الولدان..

منقار: يا افندم

تهامي: مين الوحش ده؟

رؤؤف : ده منقار معانا في العملية يا افندم

تهامي:عايز ايه يا منقار

منقار: هو لازم موضوع التمارين ده يعني؟

تهامي : طبعا يا ابني ده العقل السليم في الجسم السليم

منقار: يا افندم المقولة دي غلط لان معني كلامك ان هيفاء وهبي اذكي الناس

تهامي: مين الوحش ده؟

رؤؤف: ده منقار يا افندم زي ما قولت لحضرتك

تهامي: طيب هتعملوا تمارين يعني هتعملوا تمارين ماشي؟ ولو عايز شغل مخابرات بجد قووووولي..

ديكو: والله زي الاعلان بالظبط يا تهامي باشا

تهامي: بص يا ديكو اول مهتدخل علي اجتماع الحركات السرية للفراخ هتقولهم كلمة السر عشان يثقوا فيك اكتر

ديكو: ايه كلمة السر يا افندم؟

تهامي: انت هتقولهم ياااا ايه الحر ده ما تطفوا المروحة هيردوا عليك ويقولوا نطفي المروحة ؟؟ ترد وتصقف وتقول الدنيا مروحة..

ديكو: يا سلام كلمة سر جامدة ..والاجتماع هيدور علي ايه؟

تهامي: امال احنا جايببنك ليه يا دغف؟

ديكو: اه صحيح

تهامي: رؤؤف

رؤؤف: ايوه يا سيد تهامي

تهامي: اطلع انت علي نابولي هاتلنا فول وكام رغيف بلدي وارجع في نص ساعة..

رؤؤف: اوامرك

وعاد رؤؤف بالفول واكلوا وشبعوا ثم اخذهم للغرفة السرية للتحضير للعملية الخاصة جدا


ولنبدأ في مسلسل "حرب الفقاقيس "


في الجزء التاسع
Bookmark and Share

كلمات \اغانى \شعر \قصائد \خواطر \اشعار \اجمل \همسات \جمل \رومانسية \معانى \حب \

مفاجأة الوزير






وكانت المفاجأة التي هزت الأعراف وزلزلت المناقير ..كانت المفاجأة التي خفق لها ضلع منقار ووركه المفاجأة التي اسقطت السراويل "خلاص بقي يا عم ماشي عرفناانها مفاجأة "..
المفاجأة التي رجت القاعة وقلبتها رأسا علي عقب "وحياة ابوك خلاص ..واللهي مفاجأة ماشي " ..المفاجأة التي .."خلاص بقي بروح امك ايه هي المفاجأة ؟؟؟ "..





قال وزير الداخلية : ادخل يا استاذ ديكو ..

منقار في فزع ودهشة : بابا ؟؟؟؟

ديكو : ايوه بابا يا منقار ..بابا اللي مغبتش عن باله خمستاشر سنة بحالهم واحشني يلا ..

وساد التصفيق في القاعة وحضن الاب ابنه في لهفة و..

رئيس المجلس : احم..خلاص وحياة ابوكم جو فيلم مافيا ده مش وقته ..مش كده يا عم احمد السقا ولا ايه ؟

منقار : ده ابويا يا افندم اللي اتحبس في قضية ملفات البيض البرشت القديمة ..

ديكو : امك فين دلوقتي يا منقار ؟

منقار "محدثا نفسه" : اقوله ايه ده بقي؟ عايز اوصلهاله بطريقة لطيفة ..

ديكو: فين امك يا منقار ؟

منقار : امي اتشلت

ديكو : ايه؟

منقار: ايه ايه قصدي اتكسرت

ديكو: ايه؟

منقار: ماتت محروقة..

ديكو: انت بتقول ايه ؟

منقار: امي ماتت حزنا عليك ..

ديكو: اصيلة يا فرخونة واللهي اهئ اهئ اهئ ..بس في مشكلة يعني انا ماليش حتة دلوقتي؟

منقار: قصدك حتة تنام فيها

ديكو: لأ قصدي حتتي الطرية يا دغف..

منقار: عيب يا بابا تقول علي ماما كده قدامي..ده منظر وداع زوجة ماتت ؟ يا عم انت بتقول ايه ؟

ديكو: يعني واحد بقاله السنين دي في السجن هأخرج اعمل مشهد الحب والوفاء اكيد محتاج حتة طرية

منقار : هتتجوز علي ماما يا بابا؟

ديكو "محدثا نفسه " : اوصله ازاي ده اني هتجوز جارتنا فرخة عجرم..هاحاول اوصلهاله بطريقة لطيفة

منقار: هتتجوز يا بابا؟

ديكو : هتجوز جارتنا فرخة اللي كنت مرافقها طول السنين اللي فاتت..

منقار: ايه؟ مرافقها؟

ديكو: ايه ايه قصدي ماشي معاها

منقار: ايه؟

ديكو: قصدي عاشقها في الضلمة

منقار: بتقول ايه يا بابا؟

ديكو: يا ابني قصدي هتجوز جارتنا عشان تشيل عننا الحمل بعد وفاة امك

منقار: بس جارتنا دي ملعب اوي يا بابا ومزة ودبوستها..

ديكو: عارف يا ولد لو مديت ايدك عليها اقطعهالك دي هتبقي مراة ابوك سيبلي ورك منها حتي..

منقار: عيب عليك يا بابا..

رئيس المجلس: انا عايز افهم ايه اللي بيحصل بالظبط ؟ مفاجأة ايد دي يا سيادة الوزير اللي انت جايبها ؟

وزير الداخلية : احنا هندخل ديكو وسط العناصر الوطنية الداجنة اللي بتحاول تعمل سلام مع البشر لأن سمعته انه كان في حركة من دول وبيعتبروه بطل محبوس من اجل السلام دلوقتي..

رئيس المجلس: وهيعمل ايه بقي؟

وزير الداخلية : هيدخل في وسط الحركة دي ويعرف كل اخبارها وهيتجسس عليها بالاتصال مع شلومو ..

رئيس المجلس: شلومو مين يا عم انت هتعيش في الدور ؟

وزير الداخلية : احم ..قصدي مع مع منقار..

رئيس المجلس: ايوه كده..

منقار: لأ انا لا يمكن ابقي جاسوس ..ابدا دي حركة سلام وانا مش ممكن اخدعها..

رئيس المجلس: اقرا كتاب " الليالي الملاح في تاريخ الفراخ " يا منقار واعرف ان الحركة دي حركة غير وطنية دي بتطبع مع البشر..

ديكو: هتدفعوا كام يا افندم؟

وزير الداخلية : خمس وعشرين الف بيضة برشت..

ديكو: ده انا ابيع نفسي يا افندم..

منقار: بابا !!!!

ديكو: يا عم انت هتعملي وطني بيع واخلص..

فجأة ترج القاعة موسيقي تصويرية لمسلسل حرب الجواسيس ويدخل رؤؤف ..

منقار: مين ده ؟؟

وزير الداخلية: ده رؤؤف اللي كان في المسلسل بيعمل كل حاجة مش هشام سليم مع ان هشام سليم البطل بس احنا اخترنا رؤؤف لان هشام سليم تقيل الحركة انما رؤؤف ممكن يسافر بولي الصبح وروما بليل علطول ويروح يجيب فول من مصر ويتعشي في نابولي..

ديكو: ما شاء الله ع الشباب هي دي الروح ..

رؤؤف : تحت امرك يا سيد ديكو

ديكوك: سيد ديكو ؟؟ ده جو مخابرات بحق الله بقي ؟

رؤؤف: ايوه يا سيد ديكو مخابرات بتاعة بلادها يعني يعني سمعني سلام وطني وطني وبطنطن يعني نعمل مع العدو الصح ومنقولش اح يعني ....

ديكو مقاطعا : خلاص يا عم خلاص انت هتخشلي افية ..

وزير الداخلية: المهم هعرفكم تفاصيل المهمة وع البركة يا رجالة ..

منقار: يعني هاخد ايه يا افندم ؟ هاخد ايه ؟

وفجاة ترج القاعة مرة اخري اغنية "لا هتاخد ايه ولا كام وليه ..ده الحب لو م القلب طالع ..العمر حتي نضحي بيه..و"

منقار مقاطعا: لا يا برنس مبياكلش الكلام ده ..انت هتمرهمني بكام اغنية وطنية اسمع الاغنية دي " انا نفسي القي نفسي واد حبيب وبيه ومعايا فلوس كتير تلاتين تلاف جنيه ..اشرب كازوزة في العجوزة مع استاكوزة ايه..واجيبلي دش مع الموبيل والحتة الكوبيه "

وزير الداخلية: الله الله ع الوطنية ونعم الشباب طيب هنديلك قد ابوك مرضي؟

منقار: وزير داخلية بيقول مرضي؟ يا نهار ازرق يا جدعان ..

رئيس المجلس: المهم العملية هتبدا امتي ..

وزير الداخلية: في الجزء التامن يا برنس

Bookmark and Share

كلمات \اغانى \شعر \قصائد \خواطر \اشعار \اجمل \همسات \جمل \رومانسية \معانى \حب \

الجلسة التانية




تم عقد الجلسة لمحاكمة الوزراء في قاعة المجلس وحضرت معظم احزاب المعارضة ومنهم افراد من حزب "الفقس" الذي حوكم صاحبه بسبب التوكيلات المزورة..
رئيس المجلس : ايه يا جماعة اللي بيحصل ده لازم ننظم العملية شوية

منقار: يا ريس مش ممكن كده مش عارفين نوحد جهودنا اخر عملية طلعت فشنك وطلع اللي علي علبة الكورن فليكس ديك صحيح بس العلبة مافيهاش لحم فراخ ..
وزير الداخلية للأقفاص : فعلا اخر ديك من ولادنا ضحي بنفسه واستشهد في محل بقالة بس للأسف هباءا لأن العلبة مافيهاش ولادنا ولا حاجة.. المحامي "نبيه الفرخ ": البشر دول بيفكروا ازاي دول ولاد ابالسة بيحطوا علي علبة الكورن فليكس ديك وعلي علبة الفراخ المجمدة شوية كلام من غير صورة .. رئيس المجلس : صحيح اللي تحسبه موسي يطلع غراندايزر..

منقار: انت بتقول اي كلام علي فكرة يا ريس..

رئيس المجلس : احترم المجلس يا منقار وفكروا معانا في خطة جديدة لمكافحة البشر دول..
وزير الاعلام : واللهي يا افندم احنا بنحاول نوعي شعبنا الغالي من خطر البشر وعملنا مسلسل اسمه "ليالي البيضية " وعملنا اغنية التتر حزينة جدا تتناسب مع الخطر اللي احنا فيه اسمع يا افندم :
ومنين بييجي الخطر ..
وراك كوكي والبشر ..
ومنين بييجي العذاب..
بأكل لحم الدجاج..
ومنين بتييجي الدموع..
اكيد بشوي الضلوع..
ليه يا بشر مسيبتوناش ابرياء..
وفراخنا نايمة في سندوتشاتكوا ليه؟..
مؤمن..وصاية..متبطلوا قتلنا..
وكمان ولادنا بقوا اومليت لييييييييييييييييه؟



وعملنا يا افندم كمان مسلسل " المال والدواجن " وعملنا اغنية مؤثرة جدا :


البيض تجيبوا الريح وتاخدوا الهوايل..
اما الفراخ يوم دبحهم بيفوتونا ..
بيض ايه ده لو بيض قارون كله زايل..
ولا غير عمايل الخير ياهوه انجدونا..

وفيلم جديد اسمه "دكان فراخة" وعملنا اغنية "مش باقي مني " :


لو كنت يوم هلمحك وانتي بتبيضي..
في معركة مافيهاش ولا طيارات ولاجيش..
وانتي في وسط العيش..
بتبوسي ايد البشر..يبطلوا الكاتشب..
بتبوسي ايد البشر ..يبطلوا الكاتشب..
علي وركك الموجوع..
مش باقي مني غير شهقة في نفس مقطوع..
وانا لحمي بقي موجوع..


رئيس المجلس : الله الله بجد اغاني مؤثرة واعمال هايلة انتوا قمتوا بدوركوا فعلا ..وليه ممافيش اغاني عاطفية..

وزير الاعلام : لا يا افندم عملنا طبعا للفرخة شيرين اغنية اسمها "ورك مني " بتقول :

عارف انت حتة مني..
عارف انت ورك مني..
عارف انت عرف قلبي..
اااااه عرف قلبي..



رئيس المجلس: الله يا سلام اغنية عاطفية جدا والتعبير "ورك مني " مذهل ..

وزير الداخلية : بس يا افندم لازم حملات كفاية لمكافحة اللي بيحصل ده غير الاغاني..

رئيس المجلس: اتصرف يا اخي قوم بدورك..
وزير الداخلية : احنا هنعمل حملات يا افندم للتوفير اسمها "افقسها صح تبيضها صح " رئيس المجلس : وبيقولوا في شركة الاقفاص اللي جنبينا عملوا مجندين لمهاجمة البشر واللي في ميعاد فقسه بيخلي حد تاني يفقسله صحيح الكلام ده ؟ وزير الاتصالات : ايوه يا افندم دي خدمة جديدة اسمها "افقسلي شكرا " رئيس المجلس : تمام كده انا مطمن المهم منهاجمش اي اهداف الا اما نعرف ان جواها ولادنا فعلا بلاش عمليات زي بتاعة الكورن فليكس دي علي فاشوش.. وزير الصحة :ومن ناحيتي يا فندم اتطمن دلوقتي جلهم نوع تاني اسمه الخنازير ده لقاح احنا عملناه في مختبراتنا السرية عشان ينصرفوا عننا شوية ويركزوا علي الخنازير كفاية بقي طيور طيور..

رئيس المجلس : يعني انتوا اللي عملتوا الفيروس ده؟ ده عمل وطني هايل لأنهم كانوا بيعملوا مذابح رهيبة في الفترة الاخيرة وبيمثلوا باوراكنا في مؤمن ووصاية كمان..
وزير الاعلام : بالتجسس علش شاشات العدو يا افندم عرفنا انهم عاملين اعلانات فيها شعبان عبد الرحيم بيوعوا الناس بضرورة غسل وتنضيف الفرخة قبل الاكل ..

رئيس المجلس: الوحوش ..الكلاب..دول مبيحسوش.. فالحين بس اما يشوفوا قناة انيمال بلانيت يقعدوا مشدودين قوي علي مشاهد الافتراس مع ان هم بيفترسونا اكتر من اللي ع الشاشة..
منقار : تمام يا افندم يعني الاسد اما بياكل الغزالة مبيحطش عليها كاتشب ويعذبها .. رئيس المجلس: منقار..انت بتقول اي كلام بجد .. منقار : انا اسف يا افندم..

المحامي " نبيه الوحش " : احنا بعون الله نرفع قضية علي كل حاجة محلات وفنانين ولعيبة كورة واي حاجة انا بتاع كله ..

رئيس المجلس: مش وقتك خالص يا نبيه دلوقتي..

منقار : والاهانة الاكبر يا افندم انهم في البورصة بتاعتهم عندهم اسهم اسمها القاهرة للدواجن والمنصورة للدواجن وغيره وكأننا سلعة عندهم..
رئيس المجلس: مع ان بورصتنا مافيهاش ولا سهم بشري..

وزير الداخلية : استنوا العملية الجاية يا افندم هتبقي مفاجأة وضربة قوية للبشر..

منقار : هتخبي البيض ابو صفارين ؟
وزير الداخلية: منقار اقعد في كوزك دلوقتي.. رئيس المجلس: مستنيين مفاجأتك يا سعادة الوزير..


وفي انتظار مفاجأة الوزير..في الجزء السابع

Bookmark and Share

كلمات \اغانى \شعر \قصائد \خواطر \اشعار \اجمل \همسات \جمل \رومانسية \معانى \حب \

"منقار في مجلس الشعب"

http://images.china.cn/attachement/jpg/site1001/20090313/001143210a6b0b2433c102.jpg

هدوء يا جماعة في المجلس لو سمحت مش كده"..كانت هذه الكلمات هي أكثر الكلمات تداولا في القاعة حينما أثار "منقار" عضو مجلس الفقش الجديد قضية الرأي العام وهي قضية مكافحة المطاعم البشرية..

وظل يردد:مسكينة يا فرخ ذنبك ايه يا حبيبتي تتغرقي بالكاتشب وتبقي مجرد صدر وورك ..لازم نهتم بالموضوع شوية يا جماعة إحنا بيضيع مننا أسر كاملة وإيه الحل؟"..

قاطعه رئيس المجلس:يعني عايزنا نعمل إيه حتي وعندنا إنفلونزا كلونا برضه وقالوا دي مبتوصلش للإنسان طالما الفرخة مستوية كويس..دول مبيرحموش..لو فرخة عندها الإيدز حتي هياكلوها"

ردد أحد الأعضاء"حلوة فرخة عندها الإيدز دي ..ده في علاقة محرمة مع ضفدعة مثلا ولا ايه هاهاهاها"
قاطعه رئيس المجلس في حدة"احترم المجلس يا عرف الكلب إنت"

دلوقتي هنعرض لكم علي البروجيكتور صور للجرائم الوحشية في جدودنا ..وتنبعث موسيقي حزينة من القاعة ويظل عرض الصور في القاعة ..الصورة الأولي عنوانها "تشيكن ألاجريك ..القتلة"
الصورة الثانية"تشيكن بيكاتا..فساد الزمم"..ويظل عرض الصور متواليا في القاعة إلا ان تبتل أعراف كل من في القاعة ويندي ريشهم فيهم..
رئيس المجلس"طيب دلوقتي بعد ما شوفنا الصور دي لازم يبقي لينا وقفة ..يبطلوا يهاجموا عششنا وياخدوا بيضنا بالظلم ده"

فجاة يدخل المجلس العضو الوافد "مرتضي بيضون" رئيس نادي المفاقس في أبهي حلة ليقاطع المجلس قائلا"علي فكرة بقي الموضوع ده خطير جدا وأنا عندي ملفات تودي البشر في داهية..وتوديكم كلكم في داهية ده حتي أنا ممكن أودي نفسي في داهية لو فتحت ملفاتي لذاتي..اه واللهي ملفاتي"

رئيس المجلس"لو سمحت اتفضل أقعد ومش معقول موضوع الملفات اللي بقالك سنتين بتقولنا عليه ده ومفتحتش حتي مجلة ميكي لحد "
منقار"يا جماعة ركزوا في موضوعا الأهم البشر بيقتلونا وفرخ مين هينقذها ؟"

مرتضي بيضون"لا لا لا ده الفساد في المحليات كمان وحتي الصفقات الجديدة للديك أبو لباس رئيس النادي الحالي صفقات فشنك..كل لاعب مين دول ياخدله كام أرنب وهو معندوش ورك يعتمد عليه ..يا فسادي يا أبا أصل أنا حقاني وصوت الحق عالي..فاهمين صوت الحق عالي"
المجلس كله "لو سمحت إخرس بقي"..
منقار"احنا محتاجين استجواب لوزير الخارجية عشان دي شئون خارجية مع البشر وعايزين حملات الدفاع المدني ومنظمات حقوق الفرخان تشد حيلها معانا لأن دي قضية عرف عام"
رئيس المجلس"طبعا وبناشد السادة الأعضاء بالموافقة علي ما تقدم به الاستاذ منقار"
موافقة..
مرتضي بيضون"مين عايزني أفتح الملفات؟"
المجلس كله"إخرس"
مرتضي"ماشي بس افتكروها كل واحد منكم ليه قضية عندي وانا مبرحمش ولسه هأبهدل برنامج الكورة مع فريخ وهأرفع قضايا للركب أمال ايه أنا بتاع الفسااااااااد"
وفجأة يلكمه أحد الأعضاء لكمة ليسقط من جاكتته ملفات كثيرة لدرجة أن ملف فيهم مكتوب عليه ملف مرتضي بيضون..ملف لنفسه..
ان شاء الله الجلسة الجاية هنحاول نستضيف الوزراء ونشوف قضية الأمن دي وياريت الأستاذ ملف ده يلم ملفاته ويمشي..
رفعت الجلسة

انتظرو الجلسة التانية فى
الجزء السادس
Bookmark and Share

كلمات \اغانى \شعر \قصائد \خواطر \اشعار \اجمل \همسات \جمل \رومانسية \معانى \حب \

"خمسين سنة بيض"

http://www.redbirdproducts.com/products/Artificial%20Conure%20%20~%20%20%20Cockatiel%20Eggs%20~%20%20.50%20cents%20ea..jpg


"مش ممكن نسكت يا منقار ..بعد اللي حصل ده مش ممكن نسكت.."

ردد العبارة صفار ابو قشر الصديق الوفي لمنقار في الفترة الأخيرة وفي سنوات الكفاح..سأله منقار "وايه اللي حصل تاني ؟مش كفاية الإنفلونزا اللي اتسببوا فيها باهمالهم والاعتقال الجزافي ودم ابويا اللي راح هدر..ايه تاني ممكن يحصل يا صفار.. ايه؟ "

كان منقار في غاية الأسف والحسرة وقد ناهز من العمر أفرخه وشب عرفه وانتفض ريشه..وكان محط إعجاب كل فرخات الحي لأنه الشب الفرخي الأشهي وركا والأوسم عرفا والأغزر ريشا حتي انهم اسموه "تامر حسني " تيمنا بريشه الغزير وصدره القدير..

رد صفار علي منقار وقال له في غضب" مصيبة يا منقار مصيبة..عايزين يفتحوا محل اسمه وصاية..تخيل..ياكل من لحمنا الحي مش كفاية مؤمن اللي عاملنا بانيه وشيش ومورينا من الشوي ألوانه .عايزين يكملوا علينا بوصاية كمان "

ردد منقار"مافيش فايدة..مافيش فايدة"

رد عليه صفار"الجملة دي انا عارفها ..دي اللي رددها سعد باشا منقور بعد افتتاح اول سلسلة لكنتاكي واللي شردت أجدادنا كلنا وخلتهم حضارة"..

منقار" البشر دول عايزين منا ايه ..بيستلذوا بطعمنا بعد ما يربونا سنين وياكلوا بيضنا ويسلقوا ولادنا ..ومش مكفيهم ده لا وكمان بيستلذوا بطعمنا بكل الاشكال ..شوية شيش طاووق وشوية بانيه وشوية الاجريك..ده حرام واللهي حرام"

منقار" لأ والأفظع انهم هيتنافسوا بقي في العروض مؤمن يرخص يقوم وصاية يرخص واحنا اجدادنا بتندبح وده هيكون مصيرنا"..

منقار" لأ والأسم مخيف كمان ..وصاية تحس انهم هيربونا ويتوصوا كمان..زي ما بيقولوا في الأفلام ..فسحوووه"

صفار"تخيل انا قريت في جريدة الأعراف الرسمية ان في ناس في كنتاكي بتاكل العضم كمان..وحشية ما بعدها وحشية"

منقار" ده بيحطوا علينا كمان سائل احمر ملعون اسمه الكاتشب عشان يحسوا بعذابنا بيحسوا انه لون الدم ..البشر دول مرضي"

صفار"وولادنا مايزنيز ومسطردة"

منقار"كلااااااااب..انا مش هاسكت انا هاعرف اخد حقي"

صفار"وهتعمل ايه يعني ..هما مش بياكلونا احنا بس ده برضه المجتمع الحمامي بيشتكي جامد..وجراننا البط..ياراجل دول وصلوا انهم بياكلوا العصافير والجراد"

منقار في فزع" الجرااااد!!"

صفار"اه يا عم بيقولك بيتخلصوا منه في بعض المناطق فبيشووه وبياكلوه..ده غير طبعا الضفادع وساعات بيغشوا في المجازر وبيدبحوا حتي الحمار الغلبان ..مع انه طول السنة متعلق في الهوا وهو شايل الف انبوبة بوتاجاز"..

منقار" وحياة ابويا الغالي ما هاسكت لازم اعمل حاجة"

خرج منقار من المكان غاضبا وفجأة لعب القدر لعبته واصطدم منقار اثناء خروجه باجمل ورك ..ورك "فرخ" اجمل شابات المجتمع الكتاكيتي والتي لتستعمل ماسكرة ولا اي شادو ولا حتي روج اجو ..وكان جمالها الطبيعي شئ مش طبيعي..وبدأت معالم الهيام تدب في كل ملامح منقار برغم غضبه الجم وفزعه الأعم ولكنه عشق باقتدار وسرح في المنقار ..وكان الحب من أول نظرة..

وردد فجأة "وصاية وصاية وصاية"

سألته "فرخ" عن ما يقوله ..وكان الشئ المفزع..فجأة استيقظ منقار من ثباته العميق واحساسه الرقيق..ونظر في فزع الي الورقة المعلقة علي صدر "فرخ"

وسألها في فزع"يانهار اسود مين اللي معلق الورقة دي علي صدرك؟؟"

قالتله في خوف" ليه هي مكتوب عليها ايه خوفتني "

قال لها"قولي بسرعة مين علقها عليكي؟"

قالتله "صاحب العشة اللي جنبنا..ليه خضتني"

فجأة اخذ منقار فرخ معه في لهفة وقال لها"متخافيش انا مش هاسكت انا مش هاسكت"

عرف منقار السر ولكنه لم يريد ان يفزع "فرخ" عرف ان اصحاب وصاية رأوا انها عليها الدور للذبح لانها شهية ..وبدأت رحلة الهروب ..

انتظروا الجزء القادم "منقار في مجلس الشعب"


Bookmark and Share

كلمات \اغانى \شعر \قصائد \خواطر \اشعار \اجمل \همسات \جمل \رومانسية \معانى \حب \

"إنفلــــــــونزا الطيـــــــــــــــــــــــــور"

http://www.arab7.com/up/file/1100378456834.jpg

نزل الخبر كالصاعقة علي الأم والأبن المسكين وذهب منقار ليبحث في كل ارجاء اقسام الشرطة بلا جدوي..وكان انتشار انفلونزا الطيور هذا الخبر الذي ابكي الأعراف وأدمي المناقير وألم بالأوراك والصدور وشتت البيض وتفرقت دماء الكتاكيت بين القبائل..

وكان المشهد المخزي في المعتقل ..

ظابط العشة: انت فاكر البلد سايبة لا فوق قانون مكافحة الديوك امثالك هو الحل..

ديكو: يا باشا انا طول عمري في عشتي ماليش دعوة بحاجة

الظابط: نعم يا خفيف وحياة عرفك ده لخليك تدن للصبح..مش انت اللي وزعت منشورات البيض البرشت المقال اللي فقسنا وبوظ سمعتنا قدام باقي العشش انا هاوريك..ظبطوه

ديكو: اااااااااااه ..لااااااااا ابعدوا عن عرفي ...منقار ابني ..منقااااااااار

كانت البلد في حالة ماساوية سياسيا واجتماعيا بسبب انفلونزا الطيور ..وكانت كل حالات الوفاة اما مصاب بالانفلونزا او موتة طبيعية مدبوح يعني!

وانتشر الكساد في الأسواق وعمت الفوضي كل العشش ومازال ديكو مفقودا محدش عارف عنه اي حاجة..

وبدأت المفاوضات القذرة بين الفراخ الفاسدة وبين منقار للإبلاغ عن زملائه السياسيين في جامعة بيضون الكبري مقابل الإفراج عن ديكو..وكان منقار في حيرة شديدة بين وطنيته الفراخية واحتياجه لأبوه الشديد خصوصا ان امه في حالة إعياء شديدة بسبب الإعتقال وما بالورك حيلة ..بدأ منقار في الابلاغ عن زملائه حتي انتشرت رائحته القذرة في كل المكان وبدات تحاك ضده المؤامرات لقتله حتي استنجد بالامن ليحميه ولكن للأسف لم ينجدوه لانه ورقة وانكشفت ..ولم يوفوا بوعدهم لمنقار باخراج ابيه من المعتقل رغم انه ابغ عن العديد في جامعة بيضون ..ولم تمر ثلاثة اشهر الا وكان منقار من اكبر الثوريين وخرج في حركات مظاهرة "لا للفقس علينا"

والمظاهرة الكبري"ثورة صفار"..وكان اسمه من المرشحين للاعتقال بعد ان انقلب علي جهاز الأمن البيضي..

وبدأت محاولات لإخفاء منقار عن عيون الشرطة في تلك الفترة من الاحداث المتردية خاصة بسبب سوء حالته النفسية بعد ان عرف ان ابوه اصبيب بالانفلونزا الرهيبة ولم يشفي منها ..

انتظروا الجزء القادم

"خمسين سنة بيض"



Bookmark and Share

كلمات \اغانى \شعر \قصائد \خواطر \اشعار \اجمل \همسات \جمل \رومانسية \معانى \حب \

منقار والقفص الذهبى

http://www.baghdeda.com/modules/photouploader/upload/2009/04/05/chicken_run_007.jpg

المشهد داخلي :

التلفزيون مولع "منقاد" بالفلاحي ..فيلم عربي قديم ابيض واسود .."اغنية معمول ليها ريمكس..اغنية جواز فؤادة وعتريس باطل "

با با ببببا باطل ..ببببا با با باطل جواز عتريس من فؤادة ايييييييييييييييه؟

بــــــــــــاطل..

سمعني كمان يا مان بتقول ايه ؟

بـــــــــــــــاطل

اديني في الهايف

با با ببببا باطـــــــــــــل..

يبكي منقار من تاثره الشهيد بالمشهد بعدما وصل لسنته العشرين علي التوازي في الحياة والرابعه له في جامعة "فقسون" كلية طب قسم تشريح صفار وترميم قشر..

يدخل عليه "ديكو"

انت برضه لسه حساس كده يا ابني مش معقول كل فيلم تعيط عليه ده حتي فيلم اسماعيل يس في الاسطول لاقيتك بتدمع يا ابني حرام عليك دموعك ..صارحني انت بتحب!!

منقار:وبموت فيها يا بابا بس الظروف ....

ديكو: اوعي تقول كده يا ابني هم يطولوا واحد زيك ملو ريشه مش احسن من الشباب الفقس بتوع اليومين دول اقله شاب رزين وعاقل ومش بتاع كتاكيت..

منقار: انا عارف يا بابا بس دول ناس هاي اوي

ديكو: يا ابني لازم تفهم ان الدنيا مش كلها فلوس وبس انا اتجوزت مامتك عن حب وقصة حبنا مالية الدنيا لحد دلوقتي

منقار: بس يا بابا الدنيا اتغيرت عن زمان حب ايه بس في الزمن ده ده اللي معاه عرف يسوي عرف واللي معاهوش ميلزموش ..

ديكو:ليه كده يا ابني الزمن علمك حاجات وحشة جدا انت اتغيرت كتير..

منقار:لا يا بابا انا متغيرتش بس الزمن كباس وعشان اثبتلك تعالي معايا واطلب ايدها وهتعرف انهم مش هيوافقوا

ديكو:وانا معاك واكيد هيوافقوا لانك اخلاق وشهادة

منقار: اتفقنا

وتمضي الايام وبينما يمر منقار بالحرم الجامعي وغارق في رومانسيته ويحمل كتاب قصة حب "البياضة بنت المستكفي" و"ابن بيضون" ولكن "يا فرخة ما تمت"

يهاله ما يري وينزل الخبر عليه كيد الجزار .."مش ممممكن مش معقوووول "

خيانة ..نعم لاول مرة يصدم منقار بواقع اخر غير واقع الفارق المادي ...

خيانة الجنس اللطيف..خفق قلب منقار بشدة وذهب مسرعا الي بيته في حالة يرثي لها

ديكو: مالك يا ابني ايه اللي حصل

منقار: خانتني يا بابا ..خانتني

ديكو: بس اهدي بس وقولي الللي حصل

منقار : مش ممكن يا بابا مش ممكن ارجوك سيبني لوحدي

وجلس منقار لوحده بالغرفة وبكي بشدة حتي وجد شريط للمطربة شيرين وفتح الشريط علي اغنية كئيبة حزينة لم تزد قلبه الا كلفا وولعا ...

"بانجـــــــــو تـــــــــاني اااااااااااااه

هو قلبي لسه فاق من الاولاني ...

اروحله تاني اااااااااااااااه

شربت مرة وقلت اه اه

ان الحشيش غالي

جرحت م......

وفجأة ينتاب منقار احساس غريب لاول مرة يشعر بالوحدة فعلا كان شئ ما انتزع منه نفسه "منقار"

وبدأ يداعب الخيال فطرته وقعد يقدح في زناد فكره ويقدح ويقدح ولقي نفسه لاول مرة بيكتب قصيدة ايوه قصيدة وكانت ماساوية جدا

"كنت فاكرك انتي عمري والنسايم والعبير

اتاريكي طلعتي قشة قسمت ظهر البعير"

كانت مأساوية لاقصي حد وكانت مرتبطة ارتباط لصيق بحياته بين القش ولكن مازاد الطينة طين ان دق جرس الباب ووجد ديكو الاب مطلوب للتحقيق علي يد محضر ورقعت ام منقار بالصوت "مكانش يومك يا فرخي يا فاقسني يا معيشني في احلاها قفص"

وتمر الايام ويحاول منقار ان يهدئ من روع امه "ماما متزعليش عشان خاطري اكيد بابا راجع هو بس تحقيق"

فرخونة"تحقيق ايه يا طحال امك ده بقاله 4 ايام ومافيش حس ولا خبر"

يشعر منقار بحيرة شديدة هو هيلاقيها من الخيانة ولا من حبس ابوه بسبب اعمال وطنية منافية للاداب ..

وفجأة يسمع منقار وكل البلد الخبر الصاعقة

"إنفلــــــــونزا الطيـــــــــــــــــــــــــور"

ترقبوا المفأجأة في الجزء القادم
ديكو وفرخونة الجزء الثالث


Bookmark and Share

كلمات \اغانى \شعر \قصائد \خواطر \اشعار \اجمل \همسات \جمل \رومانسية \معانى \حب \

"ديكو" و"فرخونة"

http://img200.imageshack.us/img200/1441/image1711.jpg




قبل الزواج كان الحب مستعرا بين الفرخة والديك حتي طالت لوعته البيض فانسلق..وطالت قوته الريش فانفلق..كانت قصة حب "ديكو" و"فرخونة" اشبه بروميو وجوليت وانتشرت قصة حبهم بين الفراخ اسرع من انفلونزا الطيور وبنوا من احلامهم قصور ..قالها بتحبيني قالتلوا طبعا ده انا اعيش معاك في قشرة بيض طالما بنحب بعض

قبل الزواج :
كوكي كاك كاك كيك ..بالقلب افديك
كوكي كاك كاك كيكي ..رب يخليكي..
كوكي كاك كوكي كيك..في عيوني اخليك..
كوكي كاك كوكي كيكي ..ده بعرفي افديكي..
كوكي كاك كوكي ككك..ده انا ابيض من حبك..
كوكي كاك كوكي ككك..هأدن من حبك..
يا سلام علي ريشي وريشك افديك بعيوني واعيشك..

بعد الزواج:
كوكي كاك كوكي كيكي..والله لوريكي
كوكي كاك كوكي ككا..دي العيشة تقصر..
كوكي كاك كوكي كيكك..ده هانتف ريشك..

وباضت الفرخة المسكينة بعد ان وقعت من ع السلالم في الشهر التاسع زي الافلام العربي اللي فيها بيوت كده بسلالم غريبة وجري بيها ع الدكتور مالها يا دكتورطمني ارجوك
الدكتور: الحالة يا ابني مش مستقرة في شرخ في جدار البيضة نتيجة صدمة حادة..
الديك: لا مش هتموتي يا فرخونة ده انا عمري فداك لا لا..
ثم جاءت حماته فجأة ونشرت صراخها في كل مكان كانتشار النار في الحشيش..وقالتله نعم ياروح أمك بتضرب بنتي!!!!!!!!!
طيب وحياة قفص أمي لمورياك ..
وفجأة سمعوا صوت كاك كاك وذهبوا مسرعين في العناية المركزة الي "فرخونة"
وقالت ماما "ديكو " مالوش دعوة باللي حصل انا الي وصلته لكده انا السبب انا السبب انا اللي معيشتوش مرتاح انا مقصرة في حقه سامحني يا ديكو ..وابتلت الأعراف وناش الريش من الدموع ..ثم ذهبت فرخونة و الست "الوالدة" قصدي "الست البايضة" الي المنزل وبعد ان استقرت حالت فرخونة وباضت الابن البكر لديكو "منقار" الذي ملأ عليهم الحياة بهجة وسعادة ..
الجزء التاني "منقار والقفص الذهبي"



Bookmark and Share

عدد الناس اللى هنا

المتابعون

استمع الى اجمل الاذعات ع النت

اذاعة القرآن الكريم من القاهرة http://4.bp.blogspot.com/_vqQrR9iOPxs/Sh6_QY-qWZI/AAAAAAAACBc/9TLK1XGXcTU/s400/%D8%A7%D9%84%D9%82%D8%B1%D8%A7%D9%86+%D8%A7%D9%84%D9%83%D8%B1%D9%8A%D9%85.jpg استمع الى اذاعة القرآن الكريم من القاهرة جمهورية مصر العربية Egypt Radio Quran ــــــــــــــــــــــــــــــــــــــــــــــــــــــــــــــــ اذاعة القرآن الكريم من السعودية http://4.bp.blogspot.com/__Hw9Elmhrgo/TCTXNidv8OI/AAAAAAAAAf0/OXWTLIJOQXk/s400/%D8%A7%D9%84%D9%82%D8%B1%D8%A3%D9%86+%D8%A7%D9%84%D9%83%D8%B1%D9%8A%D9%85.png بث مباشر لاذاعة القران الكريم من المملكة العربية السعودية ــــــــــــــــــــــــــــــــــــــــــــــــــــــــــــــــ اذاعة صوتكم من مصر http://2.bp.blogspot.com/_0XaJqT9NU-I/SOhFRV5iaPI/AAAAAAAAAOg/Hr2Iumppilk/s320-R/radiosotcom.GIF راديو صوتكم تابع لبرنامج صناع الحياة وتحت اشراف الداعية الكبير عمرو خالد ــــــــــــــــــــــــــــــــــــــــــــــــــــــــــــــــ اذاعة جول اف ام http://3.bp.blogspot.com/_vqQrR9iOPxs/Spdbka6M7II/AAAAAAAACP8/mjTg-GDbfwY/s320/gool+fm.JPG بث مباشر لاذاعة جول اف ام المصرية Goal FM ــــــــــــــــــــــــــــــــــــــــــــــــــــــــــــــــ راديو محطة مصر مالكها هو الفنان اسامة منير ويذيع بها عدد من البرامج اذاعة انترنت اي ليس لها تردد على الراديو العادي ــــــــــــــــــــــــــــــــــــــــــــــــــــــــــــــــ نجوم اف ام http://2.bp.blogspot.com/_vqQrR9iOPxs/R20iAqck58I/AAAAAAAAApI/O9Lc5qWH8kw/S259/%C3%99?%C3%98%C2%AC%C3%99?%C3%99?+%C3%98%C2%A7%C3%99?+%C3%98%C2%A7%C3%99?.jpg اول اذاعة مصرية خاصة ولها شعبية كبيرة تكاد تكون الاشهر والافضل على مستوى مصر والعالم العربي ــــــــــــــــــــــــــــــــــــــــــــــــــــــــــــــــ اذاعة راديو روتانا http://3.bp.blogspot.com/_vqQrR9iOPxs/R-VbLiD1AnI/AAAAAAAAA5o/wRnw-fQ5gds/s400/Radio+rotana.jpg راديو اغاني وترفيه يبث بجودة ممتازة، تابع لشركة روتانا ويبث الاغاني التي تنتجها تلك الشركة العملاقة ــــــــــــــــــــــــــــــــــــــــــــــــــــــــــــــــ راديو سوا إذاعة تبث الاخبار والأغاني والبرامج الخفيفة ــــــــــــــــــــــــــــــــــــــــــــــــــــــــــــــــ http://3.bp.blogspot.com/_vqQrR9iOPxs/Sig7zjhOHZI/AAAAAAAACCc/WJQ5T9FOQxE/s320/mbc_fm_.jpg Mbc Fm Live تبث اغاني بالاضافة لبعض البرامج الترفيهية المميزة ــــــــــــــــــــــــــــــــــــــــــــــــــــــــــــــــ اذاعة مونت كارلو http://www.mc-doualiya.com/rmar/images/102/mcd_rouge.png اذاعة مونت كارلو التابع لمجموعة مونت كارلو الدولية يبث الراديو اغاني واخبار ومتفرقات للتسلية والترفيه ومواضيع اجتماعية وثقافية

Blog Archive